Имам Науауи
Мына мақаланы не бөлімін Ән-Нәуәуи дегенмен біріктіруге ұсынылған. (Талқылауы) |
Имам Яхия ибн Шараф ән-Науауи Мухиддин деген лақап атымен танымал, күния есімі — Әбу Зәкәрия. Ол һижраның 631 жылы Дамаскінің құрамындағы Науа қалашығында дүниеге келген. Он тоғыз жасында Дамаскіге келіп, Рауахия медресесінде ілім жолын бастайды.
Ұстаздары[өңдеу | қайнарын өңдеу]
Имам хадис, фиқһ, усул және араб тілі салалары бойынша көптеген ұстаздардан дәріс алды. Олардың ең танымалдары: Ғимадуддин Абдул-Кәрим ибн Жамалуддин Абдус-Самад, Шарафуддин әд-Димашқи, Халид ибн Юсуф ән-Нәбилиси, Камалуддин әл-Мағриби, Жамалуддин әл-Жияни және басқалар.
Шәкірттері[өңдеу | қайнарын өңдеу]
Мухиддин Науауи ұстаздық етіп, тәлім берген өте көп шәкірттердің ең көрнектілері: Алауддин әш-Шәфиғи, Жамалуддин әл-Кузағи, Мұхаммед ибн Әбу Бәкір әд-Димашқи, Садруддин әл-Хаурани, Сәлим ибн Абдур-Рахман т.т.
Еңбектері[өңдеу | қайнарын өңдеу]
Имам Науауи «Муслимнің Сахихына түсіндірме», «Риядус-салихин», «әл-Әзкәр», «Қырық хадис», «Мүхтасар әт-Тирмизи», «Мүхтасар әд-Дарими» сияқты қырық шақты аса құнды туындылар жазған.
Ол һижраның 676 жылы туған жерінде көз жүмып, Науа кентінде жерленді. Имам дүние салғанда Дамаскінің үлкен мешітінде имам ән-Науауи үшін жаназа намазы оқылған. Аллаһ оған рақым етсін![1]
Дереккөздер[өңдеу | қайнарын өңдеу]
- ↑ "әл-Уафи" кітабы. "Кәусар" баспасы. Алматы 2007 ж.
Бұл мақаланы Уикипедия сапа талаптарына лайықты болуы үшін уикилендіру қажет. |