Импульстік Реактор
Импульстік реактор – нейтрондар ағынының қысқа мерзімді импульсін ұзақтығы бірнеше ондаған мкс-тен бірнеше с-қа дейін қоздыратын ядролық реактор.
Импульстік реакторда нейтрондардың көбею коэффициенті шапшаң артады. Мысалы, импульстік реактордағы нейтрондардың көбею коэффициентін реактордың активті аймағына қосымша ядролық отынды енгізе отырып шапшаң арттыруға болады. Өзін-өзі сөндіретін импульстік реакторда импульсті сөндіру процесі, импульстің қозуы кезінде активті аймақтың қызуы салдарынан болатын нейтрондардың көбею коэффициентін азайту есебінен жүреді. Реактор суығаннан кейін (бірнеше сағ-тан кейін) импульсті қоздыру процесін қайта жүргізуге болады. Өзін-өзі сөндіретін импульстік реактор, негізінен, қарқынды сәуле (импульстің қозуы кезіндегі нейтрондар саны 1018 – 1020) әсерінен болатын материалдар мен приборлардағы өзгерістерді зерттеу үшін пайдаланылады. Периодты әрекет ететін импульстік реакторда импульсті қоздыру және сөндіру процесі жиілігі бірнеше Гц арнаулы механикалық құрылғылардың көмегімен атқарылады. Мұндай импульстік реактор нейтрондық спектроскопияда қолданылады.[1]
Сілтемелер[өңдеу | қайнарын өңдеу]
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |