Инженерлік мина

Инженерлік мина (Инженерная мина) — қарсыластың адам күші мен ұрыс техникасын шығынға ұшырату мақсатында миналық-жарылғыш бөгеттер жасауға, жолдар мен әр түрлі құрылыстарды бұзуға, қарсыластың маневрі мен қозғалысын қиындатуға арналған инженерлік құрылғы. Ол жарылғыш заттың жарғыш заряды мен корпустан (металдан, пластмассадан, ағаштан жасалған) тұрады. Кейбір инженерлік миналардың қайта шығарыл алынбайтын, зиянсыздырылмайтын элементгерін орнату кезінде қауіпсіздікті қамтамасыз ететін инженерлік тежегіштері (сақтағыштары және т.б.) болады. Инженерлік миналар іске қосылу тәсілі бойынша басқарылатын және басқарылмайтын мина; қозғалысқа тусу мезгілше байланысты — дереу және бәсең іске қосылатын; жарғыш құрылымына қарай — түйіспелі және түйіспесіз; орнату тәсілі бойынша — шығарып алынатын және шығарып алынбайтын, зиянсыздандырылатын және зиянсыздандырылмайтын, мақсатына қарай — танкіге қарсы, жаяу әскерге қарсы, көлікке қарсы, десантқа қарсы, жүзбелі, объектілі және арнайы болып бөлінеді. Алғашқы инженерлік мина далалық мина ретінде Еуропада 15 ғасырда бекіністерді қорғау үшін қолданыла бастаған.