Ирина Анатольевна Симонова

Ирина Анатольевна Симонова 1968 жылы 3 қыркүйекте Алматы қаласында туған. Орыс. Әкесі - Новиков Павел Николаевич, «Зеленстрой» АҚ директорының орынбасары. Анасы - Новикова Надежда Константиновна, зейнеткер, «Поршень» зауытында зертханашы болып жұмыс істеген. Т. Жүргенов атындағы Қазақ мемлекеттік театр және кино институтының театр факультетін бітірген (1992), қуыршақ театрының режиссері. Орыс және ағылшын тілдерін біледі. 1985-1987 жылдары - Қалмақ қуыршақ театрының актері. 1991-1992 жылдары - Қостанай драма театрының актері. 1993 жылдан - Н. Сац атындағы Мемлекеттік балалар мен жастарға арналған академиялық орыс театрының қоюшы режиссері. 2006 жылдан бері - Республикалық неміс драма театрының қоюшы режиссері, бас режиссері, директоры. Діни көзқарасы - діндар. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Барлық салада дамыған мемлекет». Хоббиі - тауға жорыққа шығу, балық аулау, гитарада ойнау. Сүйіп оқитын әдебиеті - фантастика (С. Лем, Р Брэдбери), кеңес және шетел драматургиясы, поэзия, режиссура бойынша кәсіби әдебиет. Тұрмыс құрған. Жұбайы - Скирта Дмитрий Анатольевич, Н. Сац атындағы Мемлекеттік балалар мен жастарға арналған академиялық орыс театрының актері. Қызы - Скирта Александра Дмитриевна.