Кеніштік су
Кеніштік су – кен орындарын игерумен байланысты тау-кен қазындыларында (шахта, карьер) жиналатын жер асты суы. Мұндай судың көлемі мен химиялық құрамы әр жерде әр түрлі болады. Жеке шахталарға, карьерлерге қосылатын кеніштік судың мөлшері жазықты, қыратты, климаты құрғақ аудандарда аз, ал таулы, климаты ылғалды аймақтарда мол болады. Кен қазу жұмыстары сульфидті кентас не пириті көп көмір қабаттары арқылы жүргізілген жағдайда кеніштік су сульфат ионына, темір, алюминий т.б. металдардың қосылыстарына қанығады. Бұл сулар шахталар мен карьерлердегі металл қондырғылардың, құрал-жабдықтардың коррозияға ұшырап бұзылуына, мүжілуіне, тез істен шығуына себепкер болады.Кеніштік су кен ашу жұмыстарын жүргізуге көптеген қиындықтар туғызады. Сондықтан кеніштік суды алдын ала болдырмау шаралары ұйымдастырылады,жиналған суды шығару үшін әр түрлі күрделі құрылыстар, қондырғылар салынады.[1]
Дереккөздер:[өңдеу | қайнарын өңдеу]
- ↑ Қазақ энциклопедиясы
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |