Кенүңгір

Кенүңгір, камера, тау-кен ісінде – шахта ішінде әр түрлі техникалық мақсаттарға арналып жасалатын, ені мен ұзындығы бір-біріне шамалас кең қуыс. Кенүңгірлер орналасу ерекшеліктері, қазылу және пайдалану мақсатына қарай сорғы кенүңгірі, электрстансааралық кенүңгір, электровоз депосы кенүңгірі, бұрғылау кенүңгірі, қопарғыш заттар кенүңгірі, пайдалану мерзіміне байланысты негізгі және дайындау кенүңгірлері болып бөлінеді. Негізгі кенүңгірлер ұзақ уақыт пайдалануға арналып, кен денелерін ашуды қамтамасыз етеді. Кенүңгір кенді тазалап қазып алу жұмыстарында, камералық қазу жүйесі мен камералық-діңгекті қазу жүйелерінде қолданылады.