Клёцки

Клёцки— көжелерге салу үшін немесе ет тағамдарына гарнир ретінде қолданылатын ұннан жасалған өнім. Кисельге, компотқа немесе тәтті соустарға салынатын клёцкилер де болады. Клёцкидің кез келген түрі үшін мыналар қажет: ұн немесе кез келген дақыл жармалары, сонымен қатар құрамында крахмал бар көкөніс езбелері (картоп, батат, аррорут және т.б.) немесе нан, жұмыртқа, аз мөлшерде майлы сұйықтық: сүт, кілегей, ерітілген май; міндетті емес ауыстырылатын қоспа ретінде дәмдеуіштер, тұз, қант (клецки тағайындалуына байланысты). Клёцки дайындау екі операциядан тұрады: барлық ком- поненттерді араластыру және клёцки қамырының кішкене порцияларын қайнап жатқан тұзды суда пісіру. Клёцки өлшемдері 1/2 шай қасықтан аспау керек, себебі олардың піскен кезде көлемі ұлғаяды. Клёцкиді бетіне қалқып шыққанша пісіреді. Оларды май жағылған құрғақ ыдысқа түсіріп алады немесе ожаумен сүзіп алады. Кептірілген және май жағылған клёцкиді дайын тағамға қосады. Клёцки — беларусь, литва, поляк тағамы.