Ковальский Тадеуш
Ковальский Тадеуш (Kowalski Tadeusz) (21.06.1889,Шато -Ру қ.,Индра департаменті, Франция, - 05.05.1948) - поляк түрколого, араб, парсы филологиясының маманы. Философия ғылымының докторы (1911), 1927 жылдан Поляк Ғалымдар Академиясының корреспондент мүшесі, ал 1932 жылдан академигі, 1939 жылдан осы академияның бас секретары. Поляк эмигрантының семьясында туған. 1895 жылы әкесімен бірге өз Отанына оралып, 1907 жылы Краков гимназиясын бітірді. Ковальский сол жылы Вена университетінің филология факультетінің шығыстану бөліміне түсті. 1911-12 оқу жылында Страсбург, Кельн университтерінде лекция тыңдады. Оны 1914 жылы Ягеллон университеті (Краков) мұсылман Шығысы филологиясының доценті етіп сайлады. Ковальский 1919 жылы профессор атағын алған соң, осы университетте Польщадағы бірінші шығыс филология кафедрасын басқарды. Оның негізгі еңбектері араб, парсы филологиясына, әсіресе түркологияғаа (поляк және француз тілдерінде жазылған) арналған.
Қолданылған әдебиет[өңдеу | қайнарын өңдеу]
- Қазақ Совет Энциклопедиясы, Алматы 1974 жыл,5 том, бас редакторы М.Қ. Қаратаев, 485 бет