Кондуктометрлік анализ

Бұл әдіс құрамында зарядталған бөлшектер (иондар) болатын ерітінділердің электр өткізгіштігін өлшеуге негізделген. Ерітіндідегі ион саны электролиттің табиғатына (күшті және әлсіз) және оның концентрациясына тәуелді. Аналитикалық сигналы - меншікті электр өткізгіштік болып табылады, ол белгілі бір жагдайларда (ион қозғалысы жылдамдығын бәсендететін релаксационды және электрофоретикалық эффектлердің болмауы) концентрацияға тура пропорцнонал:

χ=λ*c/1000

Берілген қатынасқа эквиваленттік электр өткізгіштік кіреді, ол катиондар мен анион иондарының қозғалу жылдамдығына (қозғалғыштығына) тәуелді: λ = λ(+)- λ(-) Қозғалғыштықтың мәндері анықтамалық әдебиеттерде келтіріледі. Кондуктометрлік титрлеу аналитикалық мақсатта кенінен қолданылады. Меншікті электр өткізгішті қосылған титрант мөлшерімен өлшейді. Нәтижелері бойынша χ=f(V) координатында қисығын түрғызады, сынықтың бойынан эквивалент нүктесін тауып, титрлеуге кеткен көлемін анықтайды да, анализденетін ерітіндінің концентрациясын есептейді. Берілген реакция үшін эквивалентті электр өткізгіштігінің есептеулеріне сүйене отырып, титрлеу қисығын болжауға болады. Сол кезде есептеуді онайлату үшін кейбір жеңілдіктер жасалады, яғни араластыру барысында концентрацияның өзгеруі және әлсіз электролит үшін Kg және ЕК мәндерін ескермейді.