Кот-д’Ивуар тілдері
Кот-д’Ивуар — көп тілді ел. Ethnologue мәліметіне сәйкес, Кот-д’Ивуарда 80 тілде сөйлейтіндер бар. Ресми тіл – француз тілі, ол отарлау кезінде енгізілген. Бұл тілде мектептерде дәріс беріледі және де ол лингва франка болып саналады. Бұл елдегі 70–тен аса байырғы тілдері нигер-конголез тілдерінің 5 бұтағына бөлсе болады. Оңтүстік–шығыс секторда ква тілдері тараған. Мысалы, бауле және аньин тілдері (2-3 және 1 миллион адам) Ганадағы акан тілдерінің диалектті тобы болып табылады. Бауле тілінде Коссу өзенінің маңында және елдің астанасы Ямусукрода сөйлеседі, ал аньи тілінде Ганамен шекаралы аумақта сөйлеседі. Оңтүстік–батыс секторда кру тілдерінде және Либерияның тілі болып саналатын дида (250 000 адам) тілінде сөйлеседі. Солтүстік–батыс жақта, Коссу өзені және Гвинеямен шекара жақта елдің орталығында дан (1 миллион) және гуро (жарты миллион адам) секілді манде тілдеріне сөйлеседі. Орталықтан солтүстікке қарай көптеген сенафи, сенари (1 миллион) секілді тілдер тараған. Солтүстік–батыс бұрышта, Комоэ ұлттық саябағына жақын дьюла секілді тілде сөйлейтін 250 мыңдай адам тұрады, олар көрші Буркина-Фасоның лингва франка тілдерінің түрі болып табылады. Сонымен қатар үш миллиондай иммигрант өз тілдерінде сөйлейді (америкалық, биса (63 000), шығыс караборо (5610), вьетнам, гларо-твабо, дженаама-бозо, догосо, кхе, маасина-фульфульде (1200), малба-бирифор, мооре, нафаанра, сиаму, сисите-сенуфо, сонинке (100 000), турка, оңтүстік тусс тілдері). Бұл адамдар көрші елдерден болғанымен басым бөлігі – Буркина-Фасодан. Тілдердің алуан түрлілігі Кот-д’Ивуар азамат соғысында көрініс тапты.