Кэрри

"Кэрри (Carrie / Телекинез, 2013)"фильмі

Жыл:2013

Ел: АҚШ

Режиссер: Кимберли Пирс

Басты рөлдерде: Джуди Грир , Хлоя Грейс Морец , Джулианна Мур , Саманта Вайнштейн , Габриэлла Уайлд , Портия Даблдэй , Алекс Расселл , Зои Белкин , Энсел Элгорт , Бэрри Шебака Хенли

Сценарий: Стивен Кинг , Роберто Агирре-Сакаса

Продюсер: Кевин Мишер

Жанр: Драма , Үрейлі/қорқынышты фильм

Бюджет:$30 000 000

Әлемдік табысы:$84 790 678

Қазақстандағы табысы:〒62 710 990

Әлемдік премьера: 7 қазан 2013

Қазақстандағы премьера: 14 қараша 2013 

Жас шектеуі:R рейтингі - 17 жасқа дейінгі тұлғалар үшін ересектердің қадағалауы міндетті

Ұзақтығы: 100 минут

Фильмнің қысқаша суреттемесі

Кэрри есімді оқушы қыз телекинездік қасиеттерге ие. Дінге берік анасы тарапынан көрген қысым мен құрдастарының кемсітуі оның тылсым қабілетін тіптен ушықтыра түседі. Мектеппен қоштасу кешінде сыныптастары оны келемеж етпек болады, бұл жаман нәтижеге алып келеді.

Рейтинг

5.9/10

Сын,рецензия

"Үндемегеннен үйдей пәле шығады" дегендей, Стивен Кингтің шығармасына негізделген кезекті экранизация саспенске тән сюжетімен, үрей шақырар музыкасымен және Хлоя Грейс Морецтің әдемі ойынымен ерекшеленді. "Кэрри" романы осыған дейін екі рет экранға шығарылған. Алғашқы түпнұсқасы аумақты түрде танымал болды. Сюжетте тұйық мінезді, жасырын қабілетінің кесірінен достары да, құрбылары да жоқ қыздың бейнесі жақсы жеткізілген. Сырт көзге жуас көрінетін мінезіне бола құрдастары оны кемсітіп, келемеж етіп жүреді. Анасы да дінді тым фанатизммен қабылдаған, Кэрриге басқалар секілді өмір сүруге мұрша бермейтін кейіпкер. Төңірегінде өзін түсінетін жан таба алмаған жас қыздың шыдамы да шегіне жетеді. Мектеппен қоштасу кешінде өзіне жасалған кезекті қастандық бәрі үшін жаман аяқталады. Автордың көрсеткісі келгені де ерекше болудан қорқатындар туралы секілді. Өйткені, бәріміз жұрттың күлкісіне қалмауды ойлаймыз. Көп нені істесе, біз де соны қайталаймыз. Біреу өзгелерге ұқсамаса сыртынан күліп, келемеж етеміз. Негізгі идеясы автордың, әр адамды білмей тұра айыптамау қажет. Фильмнің музыкалық сүйемелденуі керемет. Сюжеттегі шиеленіс пен бір қатердің боларын өрши түсетін музыкадан білуге болады. Фильм айтарлықтай хоррор емес, бірақ музыкасы денеңді түршіктірер әсер береді. Кинодағы әр жұмысы сайын жарқырай түскен, әдемі рөлдерімен танымалдығы арта түскен Хлоя Грейс Морецті бұл жолы да мақтауға тұрарлық. Жылы жүзді осы бойжеткен мейлі вампирді ойнасын, мейлі сотқар қызды ойнасын - бәрібір образдарынан жек көретіндей ешбір белгі таппайсың. Арнайы эффектілері сауатты жасалған, оқиғалардің өрбуі дегбіріңді алып шыдамсыздандыра түсетін, қанды қырғынға толы драма іздесеңіз - "Кэрри" сіз үшін.

Фильмнің саундтректері

Cults - I Can Hardly Make You Mine

Haerts - All the Days

Haim - Let Me Go

Krewella - Live for the Night

Lord Huron - Ends of the Earth

Дереккөздер

Киностан порталы