Кішігірім өзендер
Кішігірім өзендер — ұзындығы 200 км-ге дейінгі өзендер. Су ресурстарын басқаратын мемлекеттік органның ұсынуы бойынша: екі және одан да көп облыстар аумағы бойымен ағып өтетін кішігірім өзендер тізбесін — Қазақстан Республикасының Үкіметі, бір облыс аумағының шегінде орналасқан кішігірім өзендердің тізбесін — облыстық атқарушы орган бекітеді.
Кішігірім өзендерді қорғау[өңдеу | қайнарын өңдеу]
Шаруашылық қызметі кішігірім өзендердің жай-күйіне және режіміне әсер ететін занды ұйымдар мен азаматтардың су ресурстарын басқаратын мемлекеттік органмен келісілген кішігірім өзендердің сулылығын қалпына келтіру және олардың суының тазалығын сақтау жөніндегі шараларды жүзеге асыруы. Су қорғау аймақтары мен белдеулері шегіндегі шаруашылық қызметі режімін, сондай-ақ кішігірім өзендердің ластануың, былғануы мен сарқылуын болдырмау және жою жөніндегі шараларды, өзендердің қолайлы су режімін және тиісті санитариялық жай-күйін сақтау жөніндегі жұмыстарды су ресурстарын басқаратын мемлекеттік органның ұсынуы бойынша, ал сел қаупі бар аудандарда — селден қорғау органдарымен келісім бойынша жергілікті атқарушы органдар белгілейді. [1]
Дереккөздер[өңдеу | қайнарын өңдеу]
- ↑ Қазақ тілі терминдерінің салалық ғылыми түсіндірме сөздігі. Су шарушылығы. – Алматы, «Мектеп» баспасы, 2002 жыл.
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |