Күшейткіштегі кері байланыстар

Күшейткіштегі кері байланыстар (Обратная связь в усилителе) — күшейткіш тізбектері (каскадтары) арасында күшейтілген кернеу (ток) бөлігінің күшейтілу бағытынан кері бағытта, яғни бір каскадының шығысынан сол каскадтың өзінің немесе оның алдындағы каскадтың кірісіне қайта берілуін қамтамасыз ететін байланыс.

Қайта берілетін кернеудің полярлығына қарай кері байланыс оң және теріс болуы мүмкін. Оң-кері байланыс күшейткіште автотербеліс қоздырып, оны автогенераторға айналдырады. Ал теріс кері байланыс күшейту коэффициентінің орнықтылығын арттырады, бұрмаланудың барлық түрінің шамасын төмендетеді. Орындалу түріне қарай параллель кері байланыс, тізбектік (токтық) кері байланыс және осы екі түрі бірдей қолданылатын — күрделі немесе аралас кері байланыс схемалары болады. Тізбектегі элементтердің сипаттарына қарай теріс кері байланыс жиілікке төуелі және жиілікке төуелсіз кері теріс байланыс болып бөлінеді. Схемаға арнайы енгізілетін кері байланыстан басқа күшейткіш элементтердің табиғи қасиетіне, монтаж сапасына қарай күшейткіш сапасына кері ықпал ететін ішкі кері байланыстар жөне паразиттік кері байланыстар болады.