Күшқуат Таласбаев

Күшқуат Таласбаев
Туған күні	27 қыркүйек 1948 (1948-09-27) (75 жас)
Туған жері	Қолмыш ауыл кеңесі, Маңғышлақ ауданы, Маңғышлақ облысы
Азаматтығы	Қазақстан  КСРО (1948-1991)
Ұлты	қазақ
Қызметі	Мұнайшы
Марапаттары мен сыйлықтары	Бүкілодақтық ауыл шаруашылығы көрмесінің күміс медалі Бүкілодақтық ауыл шаруашылығы көрмесінің қола медалі «Ерен еңбегі үшін» медалі Қазақстан Республикасы Президентінің алғыс хаты

Күшқуат Таласбаев (1948 ж. т., Түпқараған ауданы Форт-Шевченко қаласы) – мұнайшы.

ҚазПТИ-ді (қазіргі ҚазҰТУ) бітірген (1972). 1972 –1986 ж. Өзен мұнай кен орнында бұрғылаушының көмекшісі, бұрғылаушы, инженерлік-диспетчерлік қызметтің аға инженері, техникалық бөлімнің аға инженері, өндірістік-техникалық бөлімнің бастығы, өндірістік қызмет көрсету базасының бастығы, 1986 жылы «Басмұнайгазқұрылыс» басқармасына қарасты мамандандырылған сантехникалық жұмыстар басқармасының бастығы, 1987 – 2004 ж. «Өзенмұнайгаз» өндірістік бірлестігінің бас инженері, «Өзенмұнайгаз» Акционерлік Қоғамының вице-президенті болды. 2004 жылдан «Қазмұнайгаз» Акционерлік Қоғамының «Өзенмұнайгаз» өндірістік бөлімшесі директорының кеңесшісі.

Талсабаев – өндіріске 9 өнертабыс, мұнай өндіру саласына 159 жаңалық енгізді. Бүкілодақтық ауыл шаруашылығы көрмесінің күміс, қола медалімен, «Ерен еңбегі үшін» медалімен, Республика Президентінің алғыс хатымен марапатталған.