Көкек (Біржан әні)
«Көкек» — Біржан салдың әні.
Өз әнін аруға арнап, әнші көктемге келген көкек құстан сүйген қалқасынан хабар алып келуді сұрайды.
Біржан сал әндеріне тән бір ерекшелік өзінің әншілік-орындаушылық, композиторлық өнерімен адам жанының нәзік сезім күйлерін лирикалық әсем мелодия сазына бөлей білуінде. «Көкек» әні де оның шығармашылығындағы шоқтығы биік, өзгеше сыршыл туынды.[1]
Мәтіні[өңдеу | қайнарын өңдеу]
Аты жоқ құс болады көкек деген,
Алдымда терезенің секектеген.
Ойымда үш ұйықтасам бар ма менің
Айырылып, сені, сәулем, кетед деген...
Ей, аты жоқ көкек,
Ей, аты жоқ көкек,
Кім сүймес шешек атқан көкек айын,
Бейне жаз менің сүйген сәулетайым.
Ақ қалқам отыр ма екен, жатыр ма екен,
Ей, көкек, ұшып барып білші жайын...
Ей, аты жоқ көкек,
Ей, аты жоқ көкек,
Шекеңе селдіретіп айдар тағып,
"Көкек" деп бос жүргенше секең қағып,
Қосайын өле-өлгенше мен әніме,
Қалқадан хабар әкел, ұшып барып...
Ей, аты жоқ көкек,
Ей, аты жоқ көкек.
Дереккөздер[өңдеу | қайнарын өңдеу]
- ↑ Қазақ совет энциклопедиясы, 2-том.
Сілтемелер[өңдеу | қайнарын өңдеу]
- Құрманбек Байқуатұлы орындауында YouTube сайтында