Көмкерме немесе париетальды клеткалар

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Көмкерме немесе париетальды клеткалар (glandulocytus parietalis; лат. glandula - без, гр. kytos — жасуша, parietalis - қабырғалық, көмкеру) — безді қарынның (асқазанның) кілегейлі қабығының өзіндік тақташасы қабатында орналасқан, түтікше қарапайым бездер қабырғасындағы безді жасушалар. Көмкерме жасушалар — түтікше қарын безі қабырғасын құрайтын жасушалар — негізгі экзокриноциттер мен мукоциттердің сыртқы жағында, бездердің денесі мен мойын бөліктеріне жанаса жекеленіп орналасады. Көмкерме жасушалар негізгі экзокриноциттерге қарағанда ірілеу келеді, олардың цитоплазмасы қышқылдық бояулармен қызыл түске (оксифильді) боялады. Бұлардың дөңгелек келген ядролары жасушалардың орталық бөлігінде орналасады. Көмкерме жасушалар цитоплазмасында митохондриялар көптеп кездеседі. Бұл жасушалар қарын (асқазан) сөлі құрамындағы тұз қышқылы түзілетін хлоридтер бөліп шығарады.[1]

Пайдаланған әдебиет[өңдеу]

  1. Биоморфология терминдерінің түсіндірме сөздігі/ - Алматы: "Сөздік-Словарь", 2009. ISBN 9965-822-54-9