Ламантиндер

Уикипедия жобасынан алынған мәлімет
Мұнда ауысу: шарлау, іздеу
Ламантиндер
Antillean manatee
Antillean manatee
Ғылыми топтастыруы
Дүниесі: Жануарлар
Жамағаты: Хордалылар
Табы: Сүтқоректілер
Сабы: Сирендер
Тұқымдасы: Trichechidae
Gill, 1872
Тегі: Trichechus
Линней, 1758
Ламантиндар ареалы
Ламантиндар ареалы
Түрлері

Trichechus inunguis
Trichechus manatus
Trichechus senegalensis
Trichechus "pygmaeus" (даулы)

Ламантиндер[1] (лат. Trichechus) — сүтқоректілер класы сирендер отрядының Trichechidae тұқымдасының жалғыз туысы. Қазба қалдықтары Солтүстік Америкада плейстоценнен, ал Оңтүстік Америкада миоценнен белгілі. Қазіргі кезде ламантиннің 3 түрі Американың шығыс жағалауларында Флоридадан Бразилияға дейінгі аймақта, сондай-ақ, Африканың Атлант мұхиты жағалауында тіршілік етеді, олардың саны өте аз. Денесінің ұзындығы 4 м, кейбір ірі түрі — 5 метрдей, салмағы 400 кг. Терісінде сирек әрі қысқа түктері бар. Денесінің түсі қоңырқай сұр, құрсағы бозғылт түсті. Ескекке айналған ортаңғы үш саусағының ұшында жалпақ тырнаққа ұқсас тұяқтары болады. Иілгіш ескек аяқтарының көмегімен су түбінде сырғып қозғалады, су өсімдіктерін саусақтарымен қысып алып қоректенеді, сезу қызметін атқаратын жоғарғы ерні екіге бөлінген. Құйрық жүзбе қанатының артқы шеті жұмыр. Күрек тістерінің орнында 2 мүйізді тақташа түзілген. Оның басқа сүтқоректілерден басты айырмашылығы — омыртқа жотасының мойын бөлімінде тек 6 омыртқа (басқа сүтқоректілерде 7) болады. Ересектерінің жақ сүйектерінде 5 — 7 азу тістері бар. Өкпелері өте үлкен. Топтанып тіршілік етеді, аналығының буаздық мерзімі 5 — 6 айға созылады. Көбіне теңіздің таяз жағалауында, өзендердің сағасы мен төменгі ағыстарында су өсімдіктерімен қоректенеді. Ламантинді су айдындарын өсімдіктерден тазарту үшін пайдаланады. Олар кайман қолтырауыны мен акулалардың қорегі. 3 түрі де Халықаалық табиғат қорғау одағының “Қызыл кітабына” енгізілген.

Дереккөздер[өңдеу]

  1. Все о животных. Млекопитающие, Минск, 2000.