Лимфоцитаферез
Лимфоцитаферезді 200х109/л жоғары гиперлейкоцитозда, анемияда, тромбоцитопенияда жүргізіледі. Лейкоцитаферез қалыпты антиденелерді жояды, сондықтан оны гаммаглобулинмен қоса жасау керек.
Сәулемен емдеу[өңдеу | қайнарын өңдеу]
Сәулемен емдеуді лимфа түйіндері үлкейгенде, жайылмалы лимфаденопатияда қолданылады. Дистанционды гамма-терапия өте жақсы нәтиже береді. Жергілікті емдегенде бір берілетін сәуленің мөлшері - 1,5-2 Гр. Сәулелік терапия лимфа түйіндері мен көкбауыр көлемінің кішіреюіне алып келеді.
Спленэктамия[өңдеу | қайнарын өңдеу]
Сәулелік және цитостатикалық терапияға көнбейтін, іш қуысындағы мүшелерді қысатын спленомегалияда, көкбауырдың инфарктында, терең эритро, тромбоцито- және гранулоцитопениямен сипатталатын түкті жасушалы лейкозда, глюкокортикоидқа бағынбайтын тромбоцитопения, аутоиммундық гемолиздік анемия және сублейкемиялық лейкоцитозбен жүретін аурудың түрінде спленэктомия жасалады.
Глюкокортикоидтармен емдеу[өңдеу | қайнарын өңдеу]
Глюкокортикоидтарды қатаң көрсеткіштері бойынша, яғни аутоиммундық гемолиздік анемия және тромбоцитопения дамығанда, лейкоциттер көп болмай (сублейкемиялық түрі) лимфа түйіндері, бауыр мен көкбауырдың ұлғаюында, дерт сәулелік және цитостатикалық емге бағынбай, тұрақтылық пайда болғанда, цитостатиктермен емдегенде панцитопения, әсіресе тромбоцитопения қосылғанда (преднизолонды 60-120 мг/тәу мөлшерде) қолданылады.
Инфекциялық асқынуларды емдеу[өңдеу | қайнарын өңдеу]
Науқаста инфекциялық-қабыну үрдісі қосылғанда – кең спектрлі антибиотиктер жалпы қабылданған тәртіп бойынша тағайындалады.[1]
Дереккөздер[өңдеу | қайнарын өңдеу]
- ↑ "Қан аурулары". Байжанова К. Т., Бекмурзаева Э.Қ., оқу құралы, Шымкент, 2010