Мадияр Дүйсенбайұлы Қожахмет

Мадияр Дүйсенбайұлы Қожахмет 1984 жылы 13 ақпанда Қарағанды қаласында туған. Қазақ. Әкесі - Қожахметов Дүйсенбай Тұрлыбекұлы, зейнеткер, қаржы полициясында жұмыс істеген, майор. Анасы - Қожахметова Тойбала Қасенқызы, «ҚТЖ» ¥К» АҚ бухгалтері. Л.Н. Гумилев атындағы Еуразия ұлттық мемлекеттік университетінің халықаралық құқық факультетін (2005) халықаралық құқық бакалавры мамандығы бойынша; Л.Н. Гумилев атындағы Еуразия ұлттық университетін (2007) халықаралық құқық магистрі мамандығы бойынша; «Болашақ» бағдарламасы бойынша Чех мемлекеттік қоғамдық ғылымдар университетін (2008) экономика және менеджмент магистрі мамандығы бойынша бітірген. Қазақ, орыс, ағылшын және түрік тілдерін біледі. «Нұр Отан» ХДП мүшесі (2009 жылдан). 2003 жылдың наурызынан - «Қазақстанның жастар конгресі» ЗТБ әлеуметтік-экономикалық бағдарламалар басқармасының бастығы, 2005 жылдан - атқарушы директордың м.а., 2006 жылдан - атқарушы директоры. 2006 жылдың қыркүйегінен 2008 жылдың шілдесіне дейін - «Қазақстанныңжастар конгресі» ЗТБ Чехиядағы екілі. 2008 жылдың қазанынан - ҚР Білім және ғылым министрлігінің Тәрбие жұмысы және жастар саясат департаменті директорының орынбасары. 2010 жылдың шілдесінен бері - ҚР Білім және ғылым министрлігі Тәрбие жұмысы және жастар саясат департаментінің директоры. ҚР Президенті жанындағы Жастар саясат кеңесінің мүшесі, «Болашақ» стипендиаттар қауымдастығы» АБ мүшесі. «Қазақстан Парламентіне 10 жыл» медалімен, «Құрмет» грамотасымен марапатталған. Әскери атағы - лейтенант. Діни көзқарасы - ислам. Саяси қайраткер ретіндегі идеалы - Н.Ә. Назарбаев. Хоббиі - тау шаңғысы, футбол. Сүйіп оқитын әдебиеті - тарихи романдар. Үйленген. Жұбайы - Түсіпбекова Дана Кәрімқызы, «Сәулет» ЖШС менеджері. ¥лы - Қожахмет Мәулен Мадиярұлы.