Максим Григорьевич Левин

Максим Григорьевич Левин (1904 жыл 16 қазан, Слоним - 1963 жыл 18 сәуір, Мәскеу) - белорус антропологы, этнограф және археолог. Тарих ғылымдарының докторы (1958), профессор (1960). 1944-1963 жылдары КСРО ҒА Этнография институты директорының орынбасары.

Еңбегі

Тувада (1926, 1952), Солтүстік Байқал маңында (1927), Алтайда (1929), Охот теңізінің жағалауында (1930-1931), Амур өзені бойы мен Сахалинде (1947) және 1957 жылдан бастап жыл сайын Чукоткада Уэлен және Эквен обаларында жүргізген қазба жұмыстары эскимостар тарихына байланысты аса бай деректер берді. Ол Қазақстан халықтарының антропологиясын зерттеуде үлкен ғылыми үлес қосты.