Мақаш Бекбергенов
Мақаш Бекбергенов[1] (1928, Қызылорда облысы Қызылорда қаласы – 1995) – әдебиет зерттеушi, филология ғылым докторы (1982). Қызылорда мұғалiмдер институтын (1940), ҚазПИ-дi (1942, қазіргі ҚазҰПУ) бiтiрген. 1944 жылы Қызылорда педагогика институтында (Қызылорда мемл. университетiнде) оқытушы, 1944–1947 жылы КСРО ҒА-ның Қазақ бөлiмшесінде аспирант, 1947 жылы Шымкент мұғалiмдер институтында, 1949 жылы Ташкент театр институтында, 1953 жылы қазақ тiлi мен әдебиетi бөлiмiнiң ашылуына байланысты Ташкент педагогика институтында оқытушы болған. «Революциялық шындық және оның қазақ прозасындағы көрінісі» деген тақырыпта докт. дисс. қорғаған. Бекбергеновтiң «Сөз зергерi» (1967), «Азаттық үшiн алысқандар» (1976) атты кiтаптары бар. Қазiргi қазақ әдебиетi мәселелерiн, С.Мұқанов, Ғ.М.Мүсiрепов, З.Ж.Шашкин, т.б. жазушылар шығармаларын зерттеген.Филология ғылымының докторы (1984), профессор (1986). Кезінде Әуезовтің аспиранты болған. «Сөз зергері» (1967), «Азаттық үшін алысқандар» (1976), «Әдебиеттегі революционерлер бейнесі» (1978), «Дүбірлі дәуір шежіресі» (1987) атты монографияларында Әуезовтің көркем туындылар жөнінде айтқан ой-пікірлеріне жүгініс жасап, дәйектеме келтірген, туған халқының рухани мұрасына қосқан үлесін атап көрсеткен. Ал «Мұхтар ағамыз» атты мақаласы («Шарқ юлдузи», 1967, №12) Әуезовтің 70 жылдық мерейтойына арналған.[2][3]
Дереккөздер[өңдеу | қайнарын өңдеу]
- ↑ “Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6
- ↑ Қазақ энциклопедиясы
- ↑ Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|