Маңғыстау облыстық әмбебап кітапханасы

Маңғыстау облыстық әмбебап кітапханасы – мәдени-ағарту мекемесі.

• Кітапхана Маңғыстау облысы атқару комитетінің 1973 жылдары 23 тамыздағы шешімімен ашылған. Оның директоры Н.З. Әшімбаева болды.
  • Алғашқы кезде кітапхана қоры 13400 данадан құралды.
• 1976 – 1980 жылдары аралығында кітапхана орталықтандырылды.
• Кітапхана жанынан 1976 жылдан бастап облыс көлеміндегі кітапханаларды маман кадрлармен қамтамасыз ету мақсатымен бір жылдық кітапханашылар курсы жұмыс істеп, ол 120-ға тарта маман кадрды дайындады.
• 1988 жылдары үш облыстық кітапхана Маңғыстау облыстық әмбебап кітапханасы болып біріктірілді.
  • Кітапхананың қорында 400 мыңға жуық кітап және 1 млн-дай мерзімді басылымдар бар. Қаладағы жоғары оқу орнының студенттері, қызметкерлер мен жұмысшылар, зейнеткерлер, тағы басқалар кітапхананың оқырмандары болып табылады. Кітапханаға жылына 20 мыңға жуық оқырман келіп, оларға 400 мыңдай баспа басылымдары беріледі.
• Кітапханада жасөспірімдер үшін «Талапкер», балаларға арналған «Жас суретші», «Шебер қолдар» секілді үйірмелер де жұмыс істейді. Жергілікті ақын-жазушылармен, еңбек адамдарымен әр түрлі тақырыптық кештер, кітап беташары, конференциялар өткізіліп тұрады. Қазіргі заман талабына орай кітапханада кітап қоры электронды каталогқа құю мен интернет жүйесіне қосылған.