Медициналық барлау

Медициналық барлау (Медицинская разведка) — әскери-медициналық қызметтің әскерлердің ұрыс қимылдары аудандарында жеке құрамның денсаулығына әсер ететін факторларды, әскерлердің санитариялық жағдайын және олардың медициналық қамтамасыз етілуін анықтау мақсатында жүргізетін шаралары. Медициналық барлау әскерлердің санитариялық-эпидемиялық, санитариялық-гигиеналық жайын және жеке құрамның денсаулығын сақтау мақсатында жүргізіледі. Осы максатпен шоғырлану аудандары мен бөлімнің (құраманың, бірлестіктің) ұрыс қимылдары болатын аудандарында, әскерлердің жылжу маршруттарында тұрғындардың тұрмыс жағдайы, тұрғын пунктері мен үйлердің санитариялық жайкүйі зерттеліп, жергілікті тұрғындар арасындағы жұқпалы аурумен ауырушылар, үй жануарлары мен жабайы жануарлар арасындағы эпизооттар анықталады; ауруды таратушылар мен тарату көздері, эпидемиялық аурулардың ошақтары анықталады, жергілйсті жердің залалданған өңірлері, ғимараттар, су көздері, азық-түлік белгіленеді. Медициналық барлау барысында климат, жер беті, су мен жергілікті азық-түлік сапасы зерттеледі, улы шөптер мен жануарлар анықталады; жергілікті денсаулық сақтау орғандарының эпидемияға қарсы шаралар өткізу мүмкіндігі бағаланады. Медициналық барлау сондай-ақ қарсылас әскерінің эпидемиялық аурулары туралы мәліметтер жеткізеді. Медициналық барлаудың маңызды міндеті: әскерлерді медициналық жабдықпен емдеу-эвакуациялық қамтамасыз ету ұйымдарының жай-күйі туралы мәліметтер алу болып табылады.