Мезгілсіз махаббат (фильм)
| Мезгілсіз махаббат | |
| Жанры | комедия |
|---|---|
| Формат | 16:9 |
| Маусымдар саны | 1 |
| Сериялар саны | 14 |
| Өндіріс | |
| Сценарист | Жәмет Көшербаев Асқар Дүйсенбі |
| Түсірілім орны | Астана |
| Серия ұзақтығы | 40 минут |
| Хабар тарату | |
| Таратылым кезеңі | 2017 қараша-желтоқсан — жүріп жатыр |
өңдеу  |
|
«Мезгілсіз махаббат» — 2017 жылы түсірілген қазақша телехикая. Продюсері — Толқын Сейдоллақызы. Қоюшы режиссер — Әнуар Мәтжанов, Сценарий авторлары: Жәмет Көшербаев, Асқар Дүйсенбі. 2017 жылы қараша айында "Хабар" телеарнасында көрсетіле бастады. Жанры — отбасылық комедия.
Мазмұны[өңдеу | қайнарын өңдеу]
Негізгі кейіпкерлер — егде адамдар, олар өмірдегі басты нәрсе артта қалады. Бірақ тек бір кездесу өздерінің әлемін айналдырады. Алматылық ішкі қаланың ақсақалы Астанадан сәнді зейнеткерге деген сүйіспеншілігін білдіреді — жол алғашқы минуттардан шығады. Сценарий күтпеген сюжеттер мен толыққанды диалогтарға толы.
Фильмнің бас кейіпкері — Демесін ақсақалдың (Айдос Бектемір сомдаған) екі ұлы бар. Әйелі өмірден өтіп кеткен. Үлкен ұлы Сағи ауылда, өз қолында. Кіші ұлы Әли қалада, Астанада. Кіші ұлын ауылға көшіріп әкетпек ниетпен қалаға барады. Бірақ қалада ұзақтап тұрақтап қалуға тура келеді, себебі, күтпеген жерде қалалық жалғысбасты әйел Ғалиямен танысып қалады да, ол таныстық сезімге ұласады. Ғалияны қимаған ақсақал енді ауылға қайтуға асықпайды.
Ал, ауылға қайтпақ болып жұмысынан шығып кеткен Әли қайтадан жұмыс іздеуге мәжбүр болады.
Оқиға желісі қала мен мен ауылда қатар өрбіп отырады. Сағидың келіншегі Қарлығаш өзі ашқан дүкенде сатушы. Бір күні жүртқа берген қарыз ақшаларының тізімі жазылған дәптерді жоғалтып алады да, "дүкенге ұры түсті" деп, милицияға арызданады. Сөйтсе, ол дәптер пештің астынан жартылай жанған күйі табылып, біраз күлкіге ұшырайды.
Ал ақсақалдың өмірінде де, көңіл-күйінде де ерекше серпіліс пайда болып, жақсы жағына қарай өзгереді. Бұл өзгерістің мәнін ұқпаған Әли мен келіншегі Гауһар ақсақалдың ізіне түспек болып, ақсақалдың қалтасына қайда жүргенін анықтай алатын гибридтік қондырғы салып қойып, ноутбук арқылы бақылап отырады. Бірақ ақсақал ол қондырғыны лифтіде жылап, анасына көнбей тұрған балақайға бере салады да, бұлардың із кеспек болған әрекеті еш кетеді.
Рөлдерде[өңдеу | қайнарын өңдеу]
Айдос Бектемір — Демесін
Гүлнар Сейтімбет — Ғалия
Жалғас Толғанбай — Сағи
Дариға Бадықова — Қарлығаш
Елдар Отарбаев — Әли
Айым Сейітметова — Гауһар
Мәлік Әбдіраманов — милиция Аман
Әлихан Ыдырысова — Моншақ құдағи, Қарлығаштың анасы
Айгүл Кәден — Бағила, Қарлығаштың құрбысы
Басқа да деректер[өңдеу | қайнарын өңдеу]
Фильмнің әр сериясы әр түрлі хикаяларды баяндайды. Яғни, әр сериясы бір бірімен сабақтасып жатпайды, әр сериясының өз тақырыбы бар.