Мейрам Мұхаметрақымұлы Бегентаев
Мейрам Мұхаметрақымұлы Бегентаев - 1974 жылы 1 мамырда Павлодар облысы Ертіс ауданы Заречное ауылында туған. С.Торайғыров атындағы Павлодар мемлекеттік университетін бітірген.
Экономика ғылымдарының докторы, доцент
1999 жылы Павлодар университетінің Мәдениет академиясының директоры болып істеген.
2000-2001 жылдары - С.Торайғыров атындағы Павлодар мемлекеттік университетінің қоғамдық ғылымдар кафедрасының тағылымдамадан өтуші - зерттеушісі, оқытушысы.
2003-2007 жылдары - ІІІ сайланған Павлодар қалалық маслихатының депутаты.
2005 жылы - Павлодар облыстық студенттік және жастар еңбек отряды штабының төрағасы, Қазақстан Республикасы Президенттігіне кандидат Н.Ә. Назарбаевтың Павлодар облыстық сайлауалды штабы төрағасының орынбасары.
2007-2011 жылдары - IV сайланған Павлодар қалалық маслихатының депутаты, әлеуметтік саясат жөніңдегі комиссиясының төрағасы.
2011 жылы - «Нұр Отан» Халықтық Демократиялық партиясының Павлодар облыстық сайлауалды штабы төрағасының орынбасары.
2001-2012 жылдары - С.Торайғыров атындағы Павлодар мемлекеттік университетінің институт директоры, басқарма бастығы, департамент директоры, проректоры, бірінші проректоры.
07.12.2011 жылдан бастап - «Нұр Отан» Халықтық Демократиялық партиясының партиялық тізімі бойынша V сайланған Қазақстан Республикасы Парламенті Мәжілісінің депутаттығына кандидат.
2012 жылды қантардан бастап - V сайланған Қазақстан Республикасы Парламенті Мәжілісінің депутаты, Қазақстан Республикасы Парламентінің Мәжілісі Әлеуметтік-мәдени даму комитетінің мүшесі.
Қазақстан Республикасы Үкіметінің «Дарын» Мемлекеттік жастар сыйлығының лауреаты, Қазақстан Республикасының Құрмет грамотасымен марапатталған.
Үйленген. Үш бала тәрбиелеп отыр.
Сілтемелер[өңдеу | қайнарын өңдеу]
Мәжілістің құрамы мен құрылымы, БЕГЕНТАЕВ Мейрам Мұхаметрақымұлы