Мельхиор

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Бес швейцарлық франк

Мельхиор[нем. Melchіor, франц. maіllechort — осы қорытпаның өнертапқыштары Майо (Maіllot) және Шорье (Chorіer) — есімдерінен] — мыстың никельмен (5 — 30%) кейде темір (0,8%) мен марганец (1%) қосылған қорытпасы; мыс-никельді қорытпаларға жатады. Мельхиордің механикалық қасиеттері, жылу және электрөткізгіштігі жоғары, тұщы және мұхит суларында коррозияға (жемірілуге), тотығуға өте төзімді, суықтай және ыстықтай жақсы өңделеді. Минералды қышқылдарда, әсіресе, азот қышқылында (НNO3) тез, ал органик. қышқылдарда, сілтілерде және аммиак ерітінділерінде баяу жеміріледі. Мельхиор құрамында кремний көбейген сайын, оның пластик. қасиеттері төмендейді, күкірт, висмут және қорғасын қорытпаны қысыммен өңдеу кезінде бұзылуына себепші болады; көміртегі мельхиордың морттығын жоғарылатады; фосфор мен кадмий қорытпасының механикалық және технологиялық қасиеттерін төмендетеді. Мельхиордың жартылай өңделген өнімдері: таспалар, металл шыбықтар, құбырлар, дайындамалар жасауда пайдаланылады. МНЖМц 30-0,8-1 маркалы мельхиорды кеме жасауда және конденсаторлы құбырлар жасауда, ал МН19 маркалы мельхиорды электрвакуумдық химиялық машина жасау өнеркәсібінде, ыдыс, металлақша, медицина құралдарын жасауға пайдаланады.

[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том