Механохимия
Механохимия механикалық химия – заттарда механикалық әсерден болатын химиялық және физикалық-химиялық өзгерістерді зерттейтін химияның бөлімі. Механохимияның зерттейтін процестері: полимерлердің механикалық деструкциясы мен механикалық синтезі; қатты денелердің үйкелуі, олардың деформацияланған және бұзылған кезіндегі реакциялар (трибохимия); қатты заттардың механикалық активациясы; жоғары қысымдағы ығысу деформациясы мен соққы толқындары үйлесімді болғанда ультрадыбыс әсерінен болатын өзгерістер; механикалық әсердегі металдар коррозиясы; фазалық ауысулар кезіндегі кернеу әсерімен жүретін реакциялар, т.б.
Механохимияның дамуы механикалық әсер кезіндегі заттарды синтездеу мен модификациялау мәселелерін, сондай-ақ әр түрлі заттар өндірудің технологиясын жетілдіру үшін механохимия әдістерін қолдану мәселелерін шешу немесе динамикалық механикалық күш түсетін жағдайда жұмыс жасайтын механизмдердің, тораптардың не жеке бөлшектердің Механохимиялық реакциялардың зиянды әсерінен мезгілінен бұрын істен шығуын тоқтату сияқты мәселелерді шешу қажеттілігімен байланысты. Механохимияның әдістері ірі өндірісте (каучукты пластификациялау, целлюлозаның диірмендегі гидролизі, дезинтеграторларда құрылыс материалдарын алу, т.б.), сонымен бірге арнайы өндірістерде мысалы, вакциналарды ультрадыбыспен дайындауда қолданылады. Механохимияның жетістіктері материалдардың беріктік және ұзақтық теорияларының, физика-химиялық механиканың, үйкелу және тозу теорияларының, геохимия мен биологияның кейбір бөлімдерінің дамуы үшін қажетті маңызды бөлім болып саналады. [1]
Пайдаланылған cілтемелер[өңдеу | қайнарын өңдеу]
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
 | Бұл мақаланы Уикипедия сапа талаптарына лайықты болуы үшін уикилендіру қажет. |