Михаил Насонов
Михаил Григорьевич Насонов | |
---|---|
Дүниеге келгені: |
1899 Мәскеу |
Қайтыс болғаны: |
1952 Мәскеу |
Мансабы: | режиссер, педагог |
Михаил Григорьевич Насонов (1899-1952) - режиссер, педагог, Қазақстанның еңбек сіңірген артисі (1936). Мәскеудегі Пролеткульт театр студиясын бітірген (1919). 1932 - 1941 ж. Қазақ академилық драма театрының көркемдік жағын басқарумен (1932- 1936, 1937- 1938) қатар режиссері болып, М.Әуезовтің "Еңлік-Кебек" (1933) пен "Тас түлектерін" (1935) және "Шекарадасын" (1938), Б.Майлиннің "Талтаңбайдың тәрті-бін" (1939), Ж.Шаниннің "Арқалық батырын" (1935), С.Сейфуллиннің "Қызыл сұңқарларын" (1936), Әуезов пен Ә.Тәжібаевтың "Ақ қайыңын" (1939), Ғ.Мүсіреповтің "Қозы Көрпеш - Баян сүлу" және Ә.Әбішевтің "Отан үшінін" (екеуі де 1940) сахнаға шығарды. Сондай-ақ, ол орыс және кеңес драматуриясы бойынша В.М. Киршоның "Астығын", Н.Ф. Погодиннің "Менің досымын", И.Л. Пруттың "Жойқын князь Мстиславын" (1933), К.А. Треневтің "Любовь Яроваясын" (1937) қойып, Қазақ академилық драма театрының дамуына елеулі үлес қосты. Сахналық және тұрмыстық шынайылық, ұлттық бояуының қанық әрі нақты болуына ден қоюшылық - оның қойған спектакльдеріне тән қасиет. 1941 - 1944 ж. Шымкент облысы драма театрында (мұнда Әуезовтің "Сын сағаттасын", С.Мұқановтың "Жеңіс жырын" және А.Н. Островскийдің "Мысыққа күнде той бола бермесін" қойған) режиссері болды.[1]
Дереккөздер[өңдеу | қайнарын өңдеу]
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
Бұл мақаланы Уикипедия сапа талаптарына лайықты болуы үшін уикилендіру қажет. |