Молдақасым Өтебаев

Өтебаев Молдақасым (1952 ж. т., Маңғыстау ауданы Таушық ауылы) – ғалым, физика-математика ғылым кандидаты. (2006). Қазіргі ҚазҰУ-ды бітірген (1975). 1975 – 78 ж. Каспий аймақтық кен-металлургия комбинатында инженер-программист, 1978 жылдан АқтМУ-да оқытушы, кафедра меңгерушісі аға оқытушылық қызметтерін атқарып келеді. Өтебаевтың негізгі ғылыми жұмыстарының бағыты штамптың серпімді-тұтқырпластикалық қабатты жарты кеңістікке динамикалық әсері туралы жазық және кеңістікті осьтік симметриялы станционар емес есептерді сандық шешу мәселелеріне арналған. Көптеген ғылыми мақалалар мен оқу-әдістемелік құралдардың авторы. ҚР Ғылым және білім министрлігінің Құрмет грамотасымен марапатталған.