Мықи

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Мықиқаршыға тұқымдасына жататын құстар. Қазақстанда 2 түрі бар: Еуропа мықиын (Accipiter brevіpes) кейде үлкен мықи деп те атайды. Ол Қазақстанда тек Жайық өзенінің бойында ұя салып көбейеді. Жиі кездесетіні кәдімгі мықи (Accipiter badіus). Ол Қаратал, Іле, Сырдария, Қаратау өңірлеріндегі орманды, тоғайлы жерлерді мекендейді. Дене тұрқы 30 – 38 см, қанатының ұзындығы 18 – 23 см, салмағы 190 – 270 г. Арқасы қоңыр қошқыл, бауыры ақ, қоңыр жолақты. Кәдімгі мықи – жыл құсы, ерте көктемде ұшып келіп, ағаш басына ұя салады. Жыныстық жағынан 1 жасында жетіледі. Ұясына 3 – 4 жұмыртқа салып, оны мекиендері 33 – 35 күндей шайқайды. Мықи қорегін ашық алаңқай жерлерден аулайды. Ұсақ кесірткелермен, кемірушілермен, ірі жәндіктермен (инелік, шегіртке, құмырсқа, тағы басқа) қоректенеді. Зиянды кемірушілерді жеп ауыл шаруашылығына едәуір пайда келтіреді. Мықи – тіршілігі аз зерттелген құс.[1]

Үлкен мықи[өңдеу]

Үлкен мықи(Accipiter brevipes) - сырттай да, өмір сүру дағдысы бойынша да мықиға ұқсас кішкене қаршыға түрі. Еуропа ормандарында, шығыста Кавказға дейін мекендейді. Қазақстанда Жайық жайлмасында ұялайды. Барлық жерде сирек кездеседі.[2]

Дереккөздер[өңдеу]

  1. "Қазақ энцклопедиясы - VI"
  2. [Құстар А. Ф. Ковшарь, В. А. Ковшарь.].