Мұнайгаз жинақталу секторы

Мұнайгаз жинақталу секторы - өздерінің ауырлық күші салдарынан қозғалысқа ұшыраған мұнай және газ массалары жинақталатын біршама ауқымды аумақ. Мұнайгаз жинақталу секторы түгелімен көмірсутектердің туындау  алқабының ішкі өңірінде орналасуы немесе оның сыртына жарым-жартылай шығуы мүмкін. Мұнайгаз жинақталу секторының шекаралары ойыстардың, ойысымдардың, өзге де депрессиялық белдемдердің өстік сызығы арқылы жүргізіледі. Мұнайгаз жинақталу секторын даралау қажеттілігі мұнай және газ жатындары қалыптасуы процесін зерттеу және жекелеген нысандардың мұнай мен газ кіріктіру мүмкіндіктерін бағалау барысында туындайды.