Мұнайлы-газды аудан

Мұнайлы-газды аудан - геоқұрылымдық немесе географиялық тұрғыдан бөлінетін мұнайлы-газды облыстың бөлігі. Мұнайлы-газды аудан белес тәрізді көтерілімдерді, антиклинорийлерден орын алған мұнай-газ жиналу белдемдерін, мұнайлы-газды қатқабаттың сүйірлену белдемдерін, тұз күмбездері мен риф белдемдерін тағы басқа біріктіреді. Негізгі белгілері: геоқұрылымдық сипаттамасы, орын алған кенорындарының құрылысы, мұнайлы-газды кешендерінің көнелігі, мұнай мен газдың жаралу және жатыс жағдайлары, жатындардағы көмірсутектердің фазалық күйі.