Мөлшердің шектеулі шегі

Мөлшердің шектеулі шегі^[1] – ұзақ уақыт әсер еткенімен адам организмінде қандай да бір ауытқулар тудырмайтын, көлем не масса бірлігіндегі зиянды заттардың жоғары (максимал) мөлшері. Мөлшердің шектеулі шегі қоршаған ортаның (атмосфералық ауа, су қоймалары, топырақ, т.б.) санитарлық деңгейін бағалауда, оның гигиеналық тұрғыдағы критерийі болып саналады. Ауаға бөлініп шығарылатын әр түрлі улы заттардың концентрациясының деңгейі шектеулі болады. Мысалы, көміртегі тотығы- нікі – 3,03 мг/м3, күкіртті ангидриттікі – 0,05 мг/м3, күкірт қышқылынікі – 0,1 мг/м3, азот тотығынікі – 0,04 мг/м3, хлордікі – 0,03 мг/м3, аммиактікі – 0,04 мг/м3, көмірсутектікі – 1,5 мг/м3, т.б.