Нəйлə Базанова

Нəйлə Оразғұлқызы Базанова - қазақ əйелдерінің арасынан шыққан тұңғыш биология ғылымдарының докторы, профессор, физиолог, академик. Ол Бішкек (Фрунзе) қаласында дүниеге келген. Негізгі еңбектері ірі қара малдың ас қорыту ерекшеліктері жəне жас төлдің бітім-болмысы мен өсіп-жетілуін анықтауға арналды. Қышқылды ашытқыны, жүгері не басқа дақылдарды сүрлемге (қыстық азық) пайдаланса, оның құнарлылығы жақсы сақталып, қоректігі артатынын көрсетті. Осы арқылы тайыншалар тез қоңданып, мал сүті мол əрі майлылығы жақсаратынын, сондай-ақ тауық пен үйректің көп жұмыртқа беретінін дəлелдеді. Нəтижесінде сүрлем мал шаруашылығында кеңінен қолдануға ұйғарылды. Ғалымның қаламынан ауыл шаруашылығын дамытуға арналған оқулықтар жарық көрген.

Дереккөздер

«Сен білесің бе?» энциклопедиясы./Құраст.: Қ.Ж. Райымбеков, Қ.Т. Байғабылова. – Алматы: «Аруна» баспасы. – 700 бет. ISBN 9965-26-407-4