Надежда Ноғай

Надежда Ноғай — қазақ ауыр зілтемірші қызы, жасөспірімдер арасындағы дүниежүзілік додада екі мәрте топ жарды. 2011 жылы Перудың астанасы Лима қаласында өткен жарыста ол өзінің басты қарсыласы – мек­сикалық Пласениа Буенодан 48 келі ар­тық салмақты еңсерді. Тағы бір айта ке­тер­лік жайт, Буеноның салмағы Қазақстан қызынан 27 келі артық еді. Ал үшінші тұ­ғыр­ға табан тіреген тайпейлік Луо Юнг-Юан Надежда Ноғай 73 келі кем көтерді. 2012 жылы жастар арасында Словакияның Кошице қа­ласында да Надежда қарсылас шақ кел­тірген жоқ. Үштөбе қаласының тумасы екін­ші орынды иеленген өзінің коман­далық әріптесі Виктория Вагнерден 38 кел­і асып түсті. Ногай 15 жа­­сында-ақ жастар арасындағы әлем біріншілігінде жасындай жарқылдады. Малайзияның Пенанг қаласында өткен айтулы додада ол өзінен әлдеқайда ересек зілтеміршілермен сайысқа түсіп, барлы­ғына шаң қаптырды. Күміс медальді ие­ленген тайпейлік Юао Чи-Линг Қазақстан споршы қызынан үш жас үлкен. Алайда Надежда одан 27 келі артық салмақты еңсерді. Қола жүлдені қанағат тұтқан мысырлық Ахмед-Халаф Шиманың қаза спорт­шысынан бақандай бес жас үлкендігі бар. Десек те, қазақстандық ауыр атлеттен ол 32 келі кем көтерді.