Наталья Владимировна Геллерт

Наталья Владимировна Геллерт

Наталья Владимировна Геллерт 1953 жылы 20 наурызда Қызылорда облысы Қазалы қаласында туған. Неміс.

Әкесі - Геллерт Владимир Иванович, марқұм. Анасы -Геллерт Марта Людвиговна (1924 жылы туған), зейнеткер.

Целиноград кеңшар-техникумын (1977) агроном мамандығы бойынша; Целиноград ауылшаруашылығы институтын (1990) инженер-механик мамандығы бойынша; РФ СІМ дипломатиялық академиясын (1994) бітірген, халықаралық қатынастар саласындағы гуманитарлық проблемалар бойынша маман.

Қазақ, орыс, еміс және ағылшын (сөздікпен) тілдерін біледі.

КОКП (1973-1991), КОКП ОК (1998-1990), «Нұр Отан» ХДП (2007 жылдан) мүшесі.

1968 жылдың тамыз айынан қазан айына дейін - Целиноград облысы егіншілер бригадасының аспазы. 1969 жылдан - Целиноград облысы Аманкелді атындағы кеңшарда тракторшы, 1990 жылдан - еңбек қауіпсіздігі және қауіпсіздік техникасы бойынша инженері. 1991 жылдан - РФ СІМ Дипломатиялық академиясының тыңцаушысы. 1994 жылдың қыркүйек айынан - Алматы қаласы СІМ кадрлар басқармасының бірінші хатшысы. 1994 жылдың желтоқсан айынан - ҚР ГФР-дағы елшілігінің екінші хатшысы. 1998 жылдан - Астана қаласы СІМ Консулдық қызмет департаментінің бірінші хатшысы, кеңесшісі. 2001 жылдан - ҚР Беларусь Республикасындағы елшілігінің бірінші хатшысы. 2005 жылдан - ҚР СІМ аппаратының бақылау бөлімінің бастығы. 2007 жылдың ақпан айынан - ҚР СІМ әкімшілігі бақылау бөлімі департаментінің бастығы. 2007 жылдың тамыз айынан бері - ҚР Парламенті Мәжілісі 4-ші шақырылымының «Нұр Отан» ХДП тізімі бойынша депутаты, Халықаралық істер, қорғаныс және қауіпсіздік комитетінің мүшесі. КСРО Жоғарғы Кеңесінің 10-ші, 11-ші шақырылымдарының депутаты (1979-1989). Қазақстан Ленин Комсомолы сыйлығының лауреаты (1976).

Еңбек Қызыл Туы (1975), Ленин (1977), Халықтар достастығы (1981) ордендерімен; «Ерен еңбегі үшін» (1971), «Социалистік ауылшаруашылығының үздігі», «Тыңға 50 жыл» (2005), «Қазақстан Конституциясына 10 жыл» (2005), «Астананың 10 жылдығы» (2008) медальдарымен марапатталған.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Тұрақты, бай әрі бейбіт ел».

Тұрмыс құрған. Жұбайы - Бекешев Ғазидулла Құрманбекұлы (1952 жылы туған). Қызы - Хамитова (Бекешева) Жанаргүл (1977 жылы туған); ұлы - Бекешев Арман (1981 жылы туған).