Николай Велитченко
Николай Велитченко – (21.8.1939. - 28.5.2009. Алматы) – тележурналист. [1]
ҚазМУ-ді бітірген. Университетте оқып жүргенде Қазақ радиосының «Наша Алма Ата» радиогазетінің тілшілерімен тығыз байланыс орнатты.
1961 жылы Қазақ теледидарына жұмысқа орналасты. Николай телеэкрандағы алғашқы тікелей эфир хабарын ядролық физика институты мен ҚазМУ-дің арасында өткен отандық КВН саласынан бастады.
Жас таланттың болашағынан көп үміт күткен сол кездегі телерадиокомитет төрағасы Кенжеболат Шалабаев Велитченконы теледидарға тұрақты жұмысқа шақырды. Талантты әрі талғампаз тележурналист осы салада табан аудармастан 45 жыл еңбек етті.
Телеэкрандағы танымал әрі көрермен сүйіктісіне айналған «Зорький обьектив», «Актуальная камера» және «Человек и ЧС» телехабарларын өзіне тән журналистік мәнермен әрі аса талғампаздықпен көпшілік аудиториясына ұсынды.
Николай Велитченконың хабарына әлемдегі алғашқы ғарышкерлердің бірі Павел Беляев пен талантты режиссер әрі табиғи актер Шәкен Айманов және Польшаның мақта-мата машиналары концернінің басшысы Станислав Боньковский, чех кинематографистері, әскери құрылымдар мен құқық қорғау органдарының танымал басшылары қатысты.
«КСРО ІІМ үздігі», «Өрттен қорғау саласының үздігі», «Азаматтық қорғаныс саласының үздігі» белгілерімен және КР ІІМ, сот органдары және прокуратура саласының алғыс хаттарымен марапатталды.
Дереккөздер[өңдеу | қайнарын өңдеу]
- ↑ Қазақ телевизиясы. Энциклопедия. – Алматы: «ҚазАқпарат», 2009, 1-т. – 640 б. ISBN 978-601-03-0070-5ISBN 978-601-03-0070-5
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|