Нина Платоновна Скалковская

Нина Платоновна Скалковская (11.9.1927 жылы туған, Солтүстік Қазақстан облысы Явленко ауылы) - аудармашы. ҚазҰУ - ды бітірген (1950). Мектепте мұғалім, "Жазушы" баспасында аға редактор,Қаз¥ПУ-да доцент қызметтерін атқарған. "Литература Казахстана" альманахында, "Советский Казахстан" журналында көптеген очерктері, рецензиялары, мақалалары жарияланды. 1957 - 1958 жылдары Абайдың, Жамбылдың, Ш.Уәлихановтың, І.Жансүгіровтың, Б.Майлиннің, С.Сейфуллиннің, С.Торайғыровтың өмірі мен шығармалық жөніндегі очерктері жеке кітап болып шықты. І.Есенберлин, Т.Ахтанов, Қ.Жұмаділов, М.Мағауин, Б.Аманшин, М.Хамраев шығармаларын, Б.Кенжебаевтың "Сұлтанмахмүт Торайғыров" монографиясын, "Ұйғыр сықақтарын", Қазақстан жас жазушыларының "Прощаться не хочу" (1970) повестер мен әңгімелер жинағын, "Қазақ халық ертегілерін" (20 томдык, 1963 , "Қазақстандық Совет Одағының батырларын" (20 том) аударды. "1941-1945 жж Ұлы Отан соғысындағы қажырлы еңбегі үшін, "Ұлы Отан Соғысы ардагері" медальдарымен марапатталған.