Нофелеттің қайда екенін білесіз бе?
| Нофелеттің қайда екенін білесіз бе? | |
| Где находится нофелет? | |
| Жанры |
лирикалық комедия |
|---|---|
| Режиссёрі |
Геральд Бежанов |
| Сценарийдің авторы |
Анатолий Эйрамджан |
| Басты рөлдерде |
Владимир Меньшов |
| Операторы |
Всеволод Симаков |
| Композиторы |
Александр Зацепин |
| Кинокомпания |
Мосфильм |
| Ұзақтығы |
77 минут |
| Мемлекет | |
| Тілі | |
| Шыққан жылы |
1987 жыл |
| http://noviyodeon.com/falb_NOFELET.html | |
«Нофелеттің қайда екенін білесіз бе?» (орысша. "Где находится нофелет?") — "Мосфильм" киностудиясы түсірген лирикалық комедия. Көркем фильм. Тұсаукесері 1988 жылы қаңтарда болды.
Мазмұны[өңдеу | қайнарын өңдеу]
Талантты инженер Павел Фёдорович Голиков жасы қырықтан асса да әйел адамдармен әңгімелесуге тәжірибесіз, ұяң, сол себепті де үйленбеген. Оның жұмыс істейтін жерінде тек әйелдер болса да, өзінің осы ұяңдығын еш жеңе алмай-ақ қояды. Ата-анасымен бірге тұрады, ал ата-анасының бар тілегі - Павелді үйлендіріп, одан немере сүю. Оны үйлендіру үшін өздері, сосын Павелдің досы әрі немере туысы Гена қатты кіріседі. Генаның болмысы Павелге керісінше, кез-келген қызбен тез арада тіл табысып кететін епті жігіт, үйленген.
Павел мен Гена ұзақ уақыт қалыңдық іздейді. Үнемі қадамды бірінші жасайтын Гена қыздармен танысарда міндетті түрде "Нофелеттің қайда екенін білесіз бе?" деп сұрайды. Мына сұрақ тосын әрі қызықты көрініп, әңгіме өз-өзінен өрби жөнеледі. Шындығында "нофелет" деген сөз "телефон" деген сөзді теріс оқығанда пайда болатын жұмбақ, мағынасыз термин.
Гена көрсеткен қыздардың бірі де Павелге ұнамайды. Павел күнде жұмыстан қайтарда автобуста бір қызды сыртынан бақылап жүреді, кейде қызбен жанарлары түйісіп қалғанда екеуінің де бойында әлдебір нәрсенің ұшқыны бары байқалып қалады. Үнемі сол бейтаныс қызды ойлайтын Павел онымен отбасын құруды өзінің арманы санайды. Ақыр соңында Генаның көрсеткен қыздарын қаламаған Павел бейтаныс ғашығымен өзі тілдеспекке бел буады. Қыз автобустан түскенде бұл да соңынан жүгіріп барып, "Сәлеметсіз бе? Нофелеттің қайда екенін білесіз бе?" деген сөзді ұялып әзер айтады. Қыз бұған жәй ғана күлімсіреп қарап, "Менімен әңгімелесуге шешім қабылдағаныңыз қандай жақсы болды. Ол менің қолымнан келмес еді" деп өзінің кет әрі еместігін осы сөзбен-ақ сездіреді.
Рөлдерде[өңдеу | қайнарын өңдеу]
- Владимир Меньшов — Павел Фёдорович Голиков
- Александр Панкратов-Чёрный — Геннадий, Гена
- Валентина Теличкина — бейтаныс қыз
- Людмила Шагалова — Елена Аркадьевна Голикова, Павелдің анасы
- Николай Парфёнов — Фёдор Михайлович Голиков, Павелдің әкесі
- Марина Дюжева — Марина, Павелдің қызметтесі
- Александр Пятков
Түсіруші топ[өңдеу | қайнарын өңдеу]
- Сценарий авторы: Анатолий Эйрамджан
- Режиссёр: Геральд Бежанов
- Композитор: Александр Зацепин
- Оператор: Всеволод Симаков
- Суретші: Евгений Маркович