Нұрлан Жұмахан

Нұрлан Бүркітбайұлы Жұмаханов 1982 жылы 1 қаңтарда Алматы облысы, Панфилов ауданы, Әулеағаш ауылында дүниеге келген. 2004 жылы ҚазҰУ-дің журналистика факультетін бітіргеннен кейін, «Қазақ әдебиеті», «Жас Алаш», «Нұр Астана», «Мәдениет» журанлында және «Қазақпарат» агенттігінде жұмыс істеді. Қазіргі таңда «Дала мен Қала» газетінде журналистер тобыының жетекшісі. Ол 2006 жылы Желтоқсан көтерілісінің 20 жылдығы қарсаңында «Желтоқсан - 1986» он томдығын құрастыруға қатысып, Тәуелсіздіктің арайлы таңын жақындатқан жастардың ерлiгiн жұртшылыққа кеңінен насихататуға қатысқан. Еліміздегі әдеби-мәдени басылымдарға прозалық әңгімелері үздіксіз шығып тұрады. Елбасы Нұрсұлтан Назарбаевтың Алғыс хатының, Еуразиялық табиғи ресурстар корпорациясы (ENRC) ұйымдастыратын «Алтын қалам» қазақ тіліді басылымдар арасындағы сыйлығының, «Нұр Отан» ХДП Алматы облыстық филиалының мақтау қағаздарының иегері.