Нұрлан Ғылманұлы Жұманиязов

Нұрлан Ғылманұлы Жұманиязов 1958 жылы 25 тамызда Батыс Қазақстан облысының Орда ауылында туған. Қазақ. Алматы мемлекеттік көркем театр институтын (1982) актер мамандығы бойынша; Алматы мемлекеттік театралды- көркемөнөр институтын (1988) қоюшы режиссер мамандығы бойынша бітірген.

1982 жылдан - М. Әуезов атындағы Қазақ мемлекеттік академиялық драма театрының актері.

1987 жылдан - ҚазКСР Мемлекеттік телевизия және радиохабар режиссері, бас режиссері.

2000 жылдан бері - Қ. Қуанышбаев атындағы Қазақ музыкалық-драма театрының қоюшы режиссері (Астана). «Балуан Шолақ» (А. Сарай), «Пай-пай жас Жұбайлар- ай» (М. Хасенов), «Алқызыл гүл» (А. Аксенов), «Орман оқиғасы» (С. Жүнісов), «Скапеннің айласы» (Ж.-Б. Мольер), «Алтын тордағы тоты» (Д. Исабекова), «Үйлену» (Н.В. Гоголь), «Ромео мен Джульетта» (У. Шекспир), «Здравствуйте, я ваша тетя!» (С. Поляков) және т.б. спектакльдердің қоюшы режиссері.

Діни көзқарасы - ислам. Саяси қайраткер ретіндегі идеалы - Әбілқайыр хан. Қазақстанның болашағы туралы болжамы - оптимистік. Хоббиі - табиғат аясында болу.

Марапаттар

• Халықаралық театр байқауының Гран-при иегері (2002).
• «Шабыт» халықаралық сайысының лауреаты (2002).
• «Ерен еңбегі үшін» медалімен марапатталған.

Отбасы

Үйленген. Жұбайы - Шанаева Ақзипа Ысмайылқызы (1960 жылы туған). Ұлы - Жұманиязов Арнұр Нұрланұлы (1985 жылы туған).

Дереккөздер

[[