Нұсқағыш

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Pointers.png

Нұсқағыш (Указатель; indicator, pointer) — 1) қ. Сілтеме. Егер мәліметгер құрылымында кейбір А элементінің өрісінде В элементінің адресі бар болса, онда А-да В-ға нұсқағыш бар немесе А В-ға нұсқайды деп айтады; 2) мәндері адрестер болып келетін программадағы айнымалы. Кейбір программалау тілдерінде (мысалы, Си) нұсқағыштың мәліметтер типі болады. Нұсқағыш типі айнымалыларының мәндері айнымалылардың, массивтердің және т.б. программа объектілерінің адресі міндетін атқарады. Нұсқағышпен адресті алу операциясы мен жанама адрестеу операциялары байланысты. Си-де адресті алу операциясы & символымен белгіленеді. Егер осы символдан кейін айнымалы атауы тұратын болса, онда мұндай операцияның нәтижесі көрсетілген айнымалының адресі болып табылады. Мысалы, ptr=&Snmm; ptr нұсқағыш Snmm айнымалысының адресін телиді. Жанама адрестеу операциясы * символымен белгіленеді. Егер осы таңбадан кейін айнымалыға нұсқағыш жалғасса, онда операция нәтижесі нұсқағыштағы бар адрес бойынша жадта орналасқан шама болады. Мысалы, егер ptr=&3iuT операторынан кейін x=*prt операторын орналастырсақ, онда х айнымалысы Snmm айнымалысы қандай мән алса, сондай мән алады. Нұсқағыш пен арифметикалық операцияларға ұқсас басқа да операциялар орындалады. Нұсқағыш ішкі программаға мәліметтер жеткізуді программалау, көпөлшемді жиымдармен жұмыс істеу кезінде және т.б. көп мүмкіндіктерді ашады.

[1]

Пайдаланған әдебиет[өңдеу]

  1. Қазақ тілі терминдерінің салалық ғылыми түсіндірме сөздігі:Информатика және компьютерлік техника/ Жалпы редакциясын басқарған – түсіндірме сөздіктер топтамасын шығару жөніндегі ғылыми-баспа бағдаламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А.Қ.Құсайынов. – Алматы: «Мектеп» баспасы» ЖАҚ, 2002. – 456 бет. ISBN 5-7667-8284-5