Оксана Ивановна Ботурчук
 Оксана Ивановна Ботурчук | |
| укр. Окса́на Олекса́ндрівна Ботурчу́к | |
 | |
| Жеке мағлұматтар | |
|---|---|
| Туған күні |
12 қыркүйек 1994 (29 жас) |
| Туған жері | |
| Азаматтығы | |
| Бойы |
168 см |
| Клубы |
Инваспорт |
| Бапкерлері |
Цицарикова М.А., Сорочан В., Рурак К.М. |
| Кәсіби мансабы |
2006 - қазірге дейін |
| IAAF |
14303478 |
| Үздік нәтижелері | |
| 100 м |
алтын Бейжің 2008, қола Лондон 2012, күміс Токио 2020 |
| 200 м |
күміс Бейжің 2008, күміс Рио-де-Жанейро 2016, күміс Токио 2020 |
| 400 м |
күміс Бейжің 2008, күміс Лондон 2012, Күміс Рио-де-Жанейро 2016, күміс Токио 2020 |
Оксана Ивановна Ботурчук (укр. Окса́на Олекса́ндрівна Ботурчу́к; 12 қыркүйек 1984 жыл, Никополь, Днепропетровск облысы Украина КСР) — украиналық жеңіл атлет, Украинаның халықаралық дәрежедегі спорт шебері. 2008 жылғы Паралимпиада чемпионы, 2008, 2012 және 2020 жылғы Жазғы Паралимпиада ойындарының төрт дүркін күміс және қола жүлдегері.[1]
Өмірбаяны[өңдеу | қайнарын өңдеу]
Оксана Ботурчук 1984 жылы 12 қыркүйекте Днепропетровск облысының Никополь қаласында спортшы отбасында дүниеге келген. Әкесі самбодан КСРО спорт шебері, анасы жеңіл атлетикадан спорт шеберіне кандидат.[2] Оксана – кәсіби психолог. Олесь Гончар атындағы Днепр ұлттық университетінде білім алған.
Ботурчук отбасы әжелерінен Никопольге қайтып келе жатқан кезде Винница маңында жол апатына ұшырайды. Отбасында бәрі зардап шекті, бірақ Оксана ең үлкен жарақат алды. Апаттан кейін ол қысқа мерзімді толық көру қабілетінен айырылып, кейін оның көру қабілеті жартылай қалпына келтірілді (минус бес жарым).[3]
Оксана Ботурчук шығыс жекпе – жегінің спорт шебері Сергей Балабанға тұрмысқа шыққан. Ерлі-зайыптылар екі ұл және София есімді қызды тәрбиелеп отыр.[4]
2021 жылы спортшының өмірі туралы «Пульс» фильмі шықты. Фильмдегі басты рөлді украиндық актриса Наталья Бабенко сомдады. Фильмнің сюжеті Оксананың өміріндегі нақты оқиғаға негізделген: жас кезінде жазатайым оқиғаның салдарынан спортшы көрмей қала жаздады, бірақ Олимпиада чемпионы болу арманын орындау үшін жаттығуды тоқтатпай жетістіктерге жеткені туралы айтылады.
Мансабы[өңдеу | қайнарын өңдеу]
Алғашқы табысы спортшыға 2006 жылы келді. Швецияда өткен қысқы әлем чемпионатында ол 60 метрге жүгіру, ұзындыққа секіру және 400 метрге жүгіруде жеңіске жетті Сол жылы Нидерландыда жазғы әлем чемпионаты өтті, ал Ботурчук 100 және 200 метрге жүгіруде жеңіске жетіп, әлемдік рекордқа жақындады.
2007 жылы әлем чемпионатына шақырту алып, 100 және 200 метрге жүгіруде жеңіске жетті, ал күзде Чехияда 70-ке жуық елдің өкілдері қатысқан турнирде жеңімпаз атанды. Онда Оксана 100 және 200 м жүгіруден екі әлемдік рекорд жаңартты.
2008 жылдың мамыр айының басында ол Англияда өткен 100 және 200 метрге жүгіруде тағы да жеңіске жетті. Мамыр айының соңында Оксана Хорватияға барып сәтті өнер көрсетті.[5]
Оксана Ботурчук 2008 жылы Бейжіңде өткен жазғы Паралимпиада ойындарының қорытындысы бойынша кеңінен танымал болды. Украиналық спортшы 100 метрге жүгіруде алтын жеңіп алды және екі күміс медаль алды.
2012 жылы Лондонда өткен ойындарда Оксана Ботурчук 400 метрде күміс, 100 метрде қола жүлдені жеңіп алды. Оксана 2016 жылы Рио-де-Жанейрода өткен Паралимпиада ойындарында сәтті өнер көрсетті. Спортшы 200 және 400 метрге жүгіруде күміс медаль алды.
Оксана Ботурчук - қазіргі Украинадағы ең табысты паралимпиадашылардың бірі. Еуропа және әлем чемпионаттарының бірнеше дүркін жеңімпазы. Паралимпиада ойындарының жеңімпазы және бірнеше дүркін жүлдегері.[6]
Марапаттары[өңдеу | қайнарын өңдеу]
- I дәрежелі Қызметі үшін ордені - 2016 жылы Рио-де-Жанейрода өткен XV Жазғы Паралимпиада ойындарында жоғары спорттық нәтижелерге қол жеткізгені үшін батылдық, жанқиярлық және жеңіске деген жігері үшін;
- II дәрежелі Қызметі үшін ордені - Лондонда өткен XIV Жазғы Паралимпиада ойындарында жоғары спорттық нәтижелерге қол жеткізгені, батылдық, жанқиярлық және жеңіске деген ерік-жігер танытып, Украинаның халықаралық беделін көтергені үшін;
- III дәрежелі Қызметі үшін ордені - Бейжіңде өткен XIII Жазғы Паралимпиада ойындарында жоғары спорттық нәтижелерге қол жеткізгені батылдық, жанқиярлық және жеңіске деген ерік-жігер танытып, Украинаның халықаралық беделін көтергені үшін.[7]
Дереккөздер[өңдеу | қайнарын өңдеу]
- ↑ Ботурчук Оксана Александровна. Тексерілді, 16 мамыр 2024.
- ↑ Оксана Ботурчук. Тексерілді, 16 мамыр 2024.
- ↑ Жан түршігерлік апаттан мойымаған украиндық спортшы Оксана Ботурчуктың оқиғасы. Тексерілді, 16 мамыр 2024.
- ↑ Паралимпиада чемпионы Оксана Ботурчук үшінші рет ана атанды. Тексерілді, 16 мамыр 2024.
- ↑ Оксана Ботурчук. Тексерілді, 16 мамыр 2024.
- ↑ Оксана Ботурчук. Тексерілді, 16 мамыр 2024.
- ↑ Днепропетровск облысынан келген Паралимпиада чемпионы және 3 баланың анасы Оксана Ботурчук спорттық жетістіктері мен жеке өмірі туралы. Тексерілді, 16 мамыр 2024.