Оппозиция талаптары

Оппозиция талаптары -оппозициялық іс-әрекеттердің аса маңызды құрамдас бөлігі. Саяси және қоғамдық жүйелерге қойылатын, орындалуы, қанағаттандырылуы оппозициялық іс-әрекеттің негізгі қызметі болып табылатын талаптар. Оппозиция талаптары - қандай да бір саяси мәселеге қатысты ұйымның, топтың немесе жеке тұлғаның жүргізген когнитивті талдауының нәтижесі. Оппозиция талаптары саяси және саяси емес те болуы мүмкін. Саяси емес талаптар саяси жүйенің қызмет етуіне қатысы жоқ қоғамдық мәселелерді шешуге бағытталады. Саяси талаптар тікелей саяси жүйеге, сондай-ақ өз мемлекетінің немесе шет мемлекеттің билігінің жүргізіп отырған саясатына бағытталады.