Параллель аксонометрия

Параллель аксонометрия - бұйымды және онымен байланысқан тікбұрышты координаталар жүйесін аксонометриялық проекциялар жазықтығына берілген бағытқа параллель проекциялаудың нәтижесінде алынады. Параллель аксонометрияны шығарып алу үшін М нүктесін, Oxyz тікбүрышты координаталар жүйесін және осьтер бағытындағы |ОЕ_x| = |ОЕ_y| = |OE_z| өлшем бірліктерін қарастырайық (1-сурет). Аксонометриялық проекциялар жазықтығын (π' — жазықтығын) және проекциялау бағытын (s — түзуін) тандап алып, М нүктесін және координаталар жүйесін π'-қа 5 бағытында проекциялайды. Сонда жазықтықтағы O'x'y'z' аксонометриялық координаталар жүйесі алынады. |О'E'_x| ≠ |О'E'_y| ≠ |О'E'_z| аксонометриялық өлшем бірліктері. М' — берілген М нүктесінің параллель аксонометриясы; М'₂ — екінші проекңиясы. (М'_x М₂ ) || О'y' ; (М'₂ M') || O'z'. Параллель аксонометрияда нүкте нүктеге, түзу түзуге кескінделеді. Параллель түзулердің аксонометриялары параллель болады және параллель кесінділердің қатынастары сақталады. М нүктесінің Oyz жазықтыгынан қашықтықтагы, яғни абсциссасы O'M' кесіндісімен, Oxz жазықтыгынан қашықтығы, ягни ординатасы М_x М'₂., кесіндісімен және Оху жазықтыгынан қашықтығы, яғни аппликатасы М'₂ М' кесіндісімен анықталады.