Патологиялық диагноз

Патологиялық диагноз - Қабылдаған аурулар классификациясы мен номенклатурасында көрсетілген терминдер арқылы бар ауру және өлімнің себебі туралы патанатом жасайтын медициналық тұжырым. Патанатомиялық диагнозда негізгі патогномиялық, морфологиялық өзгерістер келтіріледі. Патологоанатомиялық диагнозға басты ауру, оның асқынулары және қосымша аурулар кіреді Патологоанатомиялық диагнозде келтірілген аурудың аты аурулар мен өлім себептерінің халықаралық тізіміне сәйкес келуі керек. Ауруда табылган көптеген аурулардың ішіндегі негізгі ауруды анықтау қиын болатындықтан құрама диагноз қою ұсынылады. Оның құрамына бірлескен, фон құрайтын және талас аурулар кіреді. Талас аурулар деп әр қайсысы өлім себебі бола алатын ауруларды атайды. Бірлескен аурулар деп әр қайсысы жеке түрде өлім тудыра алмайтын, бірақ бірлескен күйде өлім себебі болатын ауруларды атайды. Фон құрайтын аурулар деп негізгі аурудың этиологиясы мен патогенезінде маңызды роль атқаратын немесе оның ауырлығын тудыратын немесе оның асқынуларының тууында ерекше роль атқаратын ауруларды айтады.