Патологиялық мінез

Патологиялық мінез (гр. pathos - азап шегу, ауру және ... логия) — адамның берекесіз, бақытсыз көңіл жайында нақты реніштен, жайсыз қырсықтан, түрлі бәледен туындайтын әдеп-дағдының адамгершілік пен әдептілік, денсаулық (ипохондрилық) туралы ауыр, үрейлі, мазасыздықты біржақты тамырлатуы. Мысалы, өз бітімі мен жүріс-тұрысына күдікпен қарайтын адам асқазаны аздап бұзылса да, денесі бөртіп қызара қалса да , ондай оқыс күйге үлкен секеммен қауіппен қарап, өз дегбірін қашырады. Жорамал күйді секемшілдік пен шүбәланғыштық сияқты басқа жеңіл мінез-құлықтар қоздыра түседі. Патологиялық мінездің естен танарлық сандырақ пен құндылығы жойылмас идеядан айырмашылығы — мінездегі кесапатты психотерапиялық әңгіме арқылы жеңілдетуде тіпті емдеуге болады.