Петр Николаевич Краснов

Краснов Петр Николаевич (22.09.1869 – 17.01.1947) – Рессей контррев. Басшыларының бірі, генерал-лейтенант (1917). Павловск әскери училищесін (1888), офицерік атты әскер мектебін бітірген. Гвардиялық казак-орыс бөлімдерінде қызмет етті. 1-дүние жүздік соғыста казак-орыс бригадасын және дивизиясын басқарды. 1917 жылы Корнилов бүлігіне қатысты. 1917 жылы тамыз-қазан 3-атты әскер корпусының командирі. 1918 жылы мамырда Дон әскерлерінің атаманы болып сайланды. 1919 жылы қаңтарда генерал А. И. Деникиннің басшылығын мойындады. 1919 жылы ақпанда отставкаға шағап, Германияға кетті. 1940-1945 жылдары Ұлы Отан соғысы кезінде гитлершілерге фмигрантар мен сатқындардан казак-орыс бөлімдерін құруға көмектесті. Совет әскерлерінің қолына түсіп, КСРО Жоғарғы соты Әскери коллегиясының үкімі бойынша дарға асылды.