Пиротехникалық құралдар

Пиротехникалық құралдар — әр түрлі әсерлерді алу мақсатында (жарқыратқыш, өртегіш, дабылдық және т.б.) пиротехникалық бұйымдарды жарақтауға арналған механикалық қоспалар. Жанғыш заттар мен тотықтың қосындысы пиротехникалық құралдар қоспаларының негізі болып келеді. Әдетте, тотықтың орнына нитраттарды (тұздарды, азот қышқылдарын) және перхлораттарды (тұздарды, хлор қышқылдарын), темірлердің асқын тотығы мен тотықтарды қолдануға болады.

Темір, алюминий, магний және олардың қорытпалары, фосфорлар, көміртектер (қара күйе, ағаш көмірі), күкірттер, орғаникалық заттар (бензол, толуол, бензин, мұнай, парафин және т.б.) жанғыш заттардың құрауыштары болып келеді. Бұдан басқа, пиротехникалық құралдарға әр түрлі қоспаларды тұздарды, жалынды бояғыштар, түрлі дабылдық түтіндер жасауға арналған бояғыштарды, Пиротехникалық құралдарға қажет механикалық қасиет беретін байланыстырушы қоспаларды, қоспаларды дайындау мен сақтаудың қауіпсіздігін қамтамасыз етуші флегматизаторлар мен стабилизаторларды қосады.

Пиротехникалық әсер компоненттердің ұсақталу деңгейі мен мұқият араласуына, олардың тазалығына, Пиротехникалық құралдардың тығыздық деңгейіне, сондай-ақ бұйымдардың конструкциясына байланысты болып келеді. Әскери істердегі қолданылатын негізгі пиротехникалық құралдарға жарық бергіш, фотоқұрам, жарқырағыш, өртегіш және түтінді құралдар жатады. Сондай-ақ, пиротехникалық құралдар жалған нысаналарды жасау үшін және инфрақызыл жүйелерге (ракетаны бағыттау бастарына, қашыктық өлшегіштерге) снарядтардың жарылыстар мен зеңбірек атыстарын елестету үшін әскери жаттығуларда қолданылады.

Сонымен қатар пиротехникалық бұйымдар (питопатрондар, тұтандырғыштар, баяулатқыштар, сақтағыштар, күшейткіштер, қашықтық шығырлар, қысымның оқ-дәрілік аккумуляторлары, пироқұлыптар, пироитергіштер және т. б.) әскери техникада кеңінен қолданылады.