Поршеньді машина

Поршеньді машина - жұмыстық дене энергиясын түрлендіруде негізгі рольді поршень атқаратын құрылғы. Поршеньнің қозғалысы кезінде Поршеньді машинаның жұмыстық камера көлемінің өзгеруімен бірге жұмыстық дененің сипаттамалары да (қысымы, температурасы т. б.) өзгеріп отырады. Ал, Поршеньді машинаның жұмысы кезінде жұмыстық дененің энергиясы төмендеуі (двигателъ) не жоғарылауы (насос, компрессор т. б.) мүмкін. Жұмыстық денені Поршеньді машинаның цилиндріне жіберуді және одан сыртқа шығаруды клапандардың, золотниктердің немесе поршеньнің өзі арқылы таратқыш құрылғы реттеп отырады. Поршеньді машинаның көп түрінде поршеньнің ілгерілемелі-қайталамалы қозғалысын біліктің айналмалы қозғалысына түрлендіру үшін кривошипті механизм қолданылады. Практикада Поршеньді машинаның шатунсыз түрі де пайдаланылады. Поршеньді машинаның құрылысы қарапайым, көп күтімді қажет етпейді, өзі арзан. Осы артықшылықтарының арқасында және конструкциясын жетілдіру нәтижесінде Поршеньді машина жоғары сенімді машинаға айналып, қазір двигателі, насос, компрессор, гидравликалық және пневматикалық пресс ретінде практикада кеңінен қолданылуда.